A partir do vindeiro luns 19 de xaneiro, a estrada provincial LU-P-1901 sufrirá cortes puntuais de tráfico debido ao comezo dos traballos do aglomerado en quente na vía, que é a que une os concellos da Fonsagrada e Navia de Suarna.
Os cortes, que se efectuarán de maneira intermitente, afectarán aos treitos comprendidos entre os puntos quilométricos 4,360 e 6,430; e entre os quilómetros 22,600 e 25,315. Habilitaranse desvíos alternativos, que estarán debidamente sinalizados.
Fotografía: imaxe arquivo obras en estrada.
