A estrada provincial LU-P-3506, que comunica a aldea de Louxa, no concello de Navia de Suarna, co límite provincial de Asturias, permanecerá cortada ao tráfico a partir deste xoves 9 de xullo debido á execución de traballos de repavimentación con aglomerado en quente.
Segundo a información facilitada, o corte afectará á totalidade da vía e manterase, de forma provisional, ata o mércores 15 de xullo. As restricións aplicaranse diariamente entre as 08:00 e as 20:00 horas, coincidindo co horario de execución das obras.
Durante este período habilitaranse itinerarios alternativos para facilitar a circulación, que estarán debidamente sinalizados para orientar ás persoas usuarias da estrada.
Desde a administración responsable recoméndase aos condutores planificar os seus desprazamentos con antelación e seguir a sinalización provisional instalada na zona mentres duren os traballos de mellora do firme.
Foto arquivo:obras nunha estrada da provincia.
