" />

A área de Medio Ambiente procederá a pechar os parques da cidade ante a chegada de ventos de ata 100km/h

A área de Medio Ambiente informa de que mañá, martes 26 de novembro, procederá a pechar os parques da cidade ante a chegada dun fenómeno meteorolóxico adverso de nivel laranxa, por ventos con refachos de ata 100 km/hora que afectará a Lugo a partir das 14 horas.

O edil Álvaro Santos explicou que axentes da Policía Local e Protección Civil procederán a precintar ás 12 horas os Parques de Rosalía de Castro e Frigsa, quedando prohibida a entrada aos mesmos dende ese momento, aínda que os comerciantes que participan no mercadiño de Frigsa disporán de media hora para desaloxar o recinto.

Pola súa banda, os operarios da brigada de Parques e Xardíns sinalizarán estas restricións no resto de parques da capital.

O concelleiro de Medio Ambiente fai un chamamento á cidadanía para pedirlle que respecten estas limitacións, que se manterán até as 10 horas do mércores, 27 de novembro, evitando correr riscos innecesarios para non poñer en perigo a súa seguridade polo que recomenda, igualmente, non visitar o resto de zonas verdes municipais.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo