A asociación de Reiki de Lugo ten programada para este vindeiro domingo, día 25 de novembro, unha nova xornada de portas abertas para a que convidan a todos aqueles interesados en recibir unha sesión desta técnica milenaria. Así, a Casa María Mariño (rúa Montefaro,2), terá as súas portas abertas ao público dende ás 10.15 horas para arrancar a xornada -quen o desexe- cunha sesión de meditación e, a continuación, seguir coa sesión de Reiki ata as 12.30 horas.
Ténica milenaria
Reiki é unha técnica milenaria de transmisión e canalización de Enerxía a través das nosas mans redescuberta a comezos do século XX por un estudoso xaponés chamado Mikao Usui. A palabra Reiki é de orixe xaponesa e significa Enerxía Vital Universal; canalizar ese Ki para revitalizar a propia enerxía e lograr unha harmonización a nivel físico, mental, emocional e espiritual, é dicir para obter un equilibrio en todos os niveis da persoa.
