A CIG recurre o nomeamento da gobernanta da residencia de Sarria

A Confederación Intersindical Galega (CIG) presentou o pasado xoves, por rexistro ante o Concello de Sarria reclamación contra o nomeamento mediante decreto do Concelleiro de Servizos Sociais da Gobernanta para a Residencia.

O persoal da Residencia ten gañado mediante sentenza xudicial a súa condición de Persoal do Concello, polo que as contratacións e nomemamentos do Persoal deben de cumprir co establecido no Estatuto Básico do Empregado público.

A CIG conta con dous representantes no Comité de Empresa, aos cales non lles foi comunicado dito nomeamento, nin os seus criterios nin necesidades.

Para a CIG o nomeamento “falta absolutamente á legalidade” , posto que entenden que dito posto non se pode cubrir mediante “decretazo ou dedazo” , senón que debe de ser cuberto mediante un proceso de selección, ben sexa concurso-oposición, oposición, ou concurso. Igualmente dito nomemaneto incumpre os preceptos constitucionais de igualdade, mérito e capacidade, esixibles nos proceso de contratción pública.

É por iso que o sindicato presenta unha reclamación ante o Concello de Sarria para que proceda a repoñer a legalidade e a cubrir dita praza, se así o estima convinte, de xeito procedente e axustado á Lei. No caso de non ser así, dende i sindicato aseguran que continuarán o camiño da reclamación e presentar demanda contra dito nomemento nos xulgados do Contencioso-Administrativo de Lugo.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo