A Concellería de Xuventude lanza unha campaña de sensibilización sobre o abuso do consumo

A Concellería de Xuventude levará a cabo unha nova campaña de sensibilización sobre o abuso do consumo de alcohol e outras drogas enmarcada na programación do +Xti, organizada polo Concello e subvencionada polo Plan Nacional de Drogas, co obxectivo concienciar á mocidade e dotar de información axeitada.

 Dende a Concellería, estanse a levar a cabo campañas, que teñen como finalidade atrasar o inicio de consumo de bebidas alcohólicas nos menores e un consumo responsable nos adultos.  Neste senso, durante o mes de xuño levaranse a cabo accións con diferentes puntos de encontro, nos que se informará dos perigos do alcol, haberá xogos, agasallos para a cidadanía, entre outras actividades.

Esta campaña está dirixida á mocidade lucense, adultos e familias “porque consideramos que é un tema que implica a toda a sociedade” sinalan.

Campaña de sensibilización sobre o abuso do consumo de alcohol e outras drogas:

 Sábado, 3 de xuño. Pavillón Municipal dos Deportes de Lugo, de 17:30 a 20:30 h.

 Martes, 6 de xuño. Facultade de Veterinaria, de 16:30 a 19:30 h.

 Xoves, 8 de xuño. Biblioteca Intercentros, de 11:00 a 14:00 h.  

 Martes, 13 de xuño. Pr. Horta do Seminario, nas proximidades da Facultade de Formación de Profesorado e do IES Virxe dos Ollos Grandes, de 11:00 a 14:00 h.

 Sábado, 17 de xuño. Pavillón Municipal dos Deportes de Lugo, de 17:30 a 20:30 h.

 

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo

WP Twitter Auto Publish Powered By : XYZScripts.com