" />

A Deputación ordena a avaliación da estrada afundida en Cervo para proceder ao seu arranxo

A Deputación de Lugo ordenou unha avaliación técnica e económica dos danos ocasionados polo afundimento de parte da calzada ocorrido onte na LU-P-1504 debido ás intensas choivas dos últimos días co fin de arranxar coa maior celeridade posible esta estrada, que une Río Cobo coas fábricas de Sargadelos, no concello de Cervo.

Tras unha primeira avaliación sobre o terreo, operarios do servizo de Xestión Territorial da Deputación decidiron reabrir esta estrada ao tráfico de turismos desde esta tarde. A vía quedaba cortada onte ao tráfico logo de producirse un desprendemento de terra e o afundimento de parte da calzada debido ás intensas e continuadas choivas producidas entre onte e hoxe polo paso da borrasca Barra.

A institución provincial iniciou tamén as xestións pertinentes para poder actuar nos terreos que sexan necesarios para acometer as obras de rehabilitación desta estrada, pola que ademais discorre unha canalización.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo