A Policía Nacional busca ao autor dun intento de agresión sexual a unha moza de 18 anos de Lugo ocorrido na contorna do campus universitario o pasado luns, 5 de xullo. Segundo indican dende o Corpo Nacional da Policía, a vítima tomará hoxe, de novo, declaración na comisaría, mentres a Policía Científica e a Xudicial recaban información no lugar dos feitos.
Segundo revela a Policía Nacional, foi en torno ás 16.30 horas do luns, no momento no que a moza saía de traballar, cando, presuntamente, foi abordada por un home que a golpeou no rostro. Os feitos ocorrían na Avenida de Madrid nunha zona próxima ao Campus Universitario. A Policía trata agora de atopar ao presunto agresor.
O caso se atopa baixo segredo de sumario.
