A Sociedade Micolóxica Lucus celebrará o vindeiro domingo a XXI Exposición de Cogomelos no Pazo de San Marcos de Lugo. A entrada será gratuíta en horario de 11.00 a 14.00 horas e de 16.00 a 20.30 horas.
A exposición, que conta con dar a coñecer a enorme biodiversidade existente na Reserva da Biosfera Terras do Miño, estará complementada cunha exposición fotográfica de cogomelos e outra de paneis informativos sobre hábitats micolóxicos, así como unha presentación audiovisual sobre micoloxía.
Ademais, membros da entidade organizadora deste evento atenderán durante toda a xornada ás preguntas e dúbidas da cidadanía, co obxectivo de fomentar unha adecuada formación micolóxica e á vez previr intoxicacións por consumo de cogomelos.
