A Xunta constata con APEHL que o programa de emprego no que colaboran alcanza unha taxa de inserción laboral do 40%

O delegado territorial da Xunta en Lugo, José Manuel Balseiro, mantivo hoxe unha xuntanza co presidente da Asociación Provincial de Empresarios de Hostalería e Turismo de Lugo (APEHL), José Francisco Real, e a responsable de formación da entidade, María Castro, na que valoraron a marcha do programa integrado de emprego no que colaboran ambas entidades.

A reunión serviu para constatar que esta cuarta edición do programa está a dar resultados satisfactorios; está executado nun 70% -rematará a mediados de novembro- e alcanza xa unha taxa de inserción laboral que ronda o 40%, similar á de anos anteriores. Este dato determina a intención da entidade de continuar apostando por este modelo e solicitar a que sería a quinta edición ao abeiro da convocatoria que xa ten en marcha a Consellería de Economía, Emprego e Industria para este exercicio.

O programa DIMO IV proporciona a traballadores desempregados orientación laboral e formación no sector da hostalería e está financiado pola Xunta con 250.000 euros; conta coa participación de 70 persoas no concello de Lugo e 30 no de Monforte,

Tal e como se puxo de manifesto hoxe, a iniciativa está dirixida a mellorar a inserción laboral das persoas traballadoras en situación de desemprego, pero tamén pretende contribuír a paliar o problema de falta de persoal cualificado que sufre a hostalería de Lugo, e que se evidencia de forma especial na tempada alta de turismo.

Xunta e APEHL coincidiron en sinalar que a aposta de Galicia por un turismo de calidade esixe que a prestación dos servizos de hostalería sexa tamén de calidade, obxectivo ao que tamén contribúe este programa de emprego.

 

Novas relacionadas

Unha resposta

Deixa unha resposta
  1. Avatar
    Luis Díaz
    Ago 09, 2019 - 09:36 PM

    250.000 euros por cursito ( que pagamos entre todos ) y ya están solicitando el quinto antes de terminar el cuarto , con una tasa de inserción laboral que ronda el 40% ( dicen ) y vas a los bares y no ves mas que chavalitos sudamericanos ejerciendo de camareros ( los autóctonos son vagos , al parecer ) . Bueno , si hay varios colectivos ¿ empresariales ? mamando de la teta de los cursos de formación , los taberneros no iban a ser menos , desde luego , buenos vinos para brindar por el “éxito” conseguido , pueden aportar entre si .

    Reply

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo