Esta mañá cando preparaba o informativo das 7.50 horas nas instalacións de Radio Lugo, onde traballaba dende hai máis de dúas décadas, falecía o xornalista José Seijo Mendoza, coñecido por todos como Pepe. Seijo entrara para dar as noticias nas duas anteriores conexións, pero ao chegar a das 7.50 non o fixo. Parece ser que quen o atopou, xa sen vida, foi un compañeiro que chegou a emisora a primeira hora da mañá.
Con Pepe Seijo, un xornalista dos que xa quedan poucos, vaise unha persoa excelente e, sen dúbida o comunicador que máis sabía da política lucense e luguesa. Se alguén podía dar unha clase maxistral sobre a política de Lugo, ese era el. Coñecía polo miudo cada andanza o porqué de cada acción que realizaban as distintas forzas polítcas e mesmo os propios políticos.
Colaborador de El País e da axéncia de noticias Europa Press foi tamén delegado de CC.OO durante máis de 20 anos.
O sindicato enviou unha nota de prensa prensa erxpresando a súa dor polo pasamento deste mestre e compañeiro.
A Unión Comarcal de CCOO de Lugo amosa a súa consternación polo falecemento de José Antonio Seijo Mendoza, xornalista de Radio Lugo e El País. «Pepe Seijo un gran profesional e un compañeiro moi querido», apuntan desde o sindicato. O
«Fóisenos demasiado novo», indican desde o Comisións Obreiras, pois o xornalista tiña só 57 anos.
«Quédanos todo o que nos deu», sinalan en referencia a quen foi a voz máis recoñecible de Lugo nas ondas e no papel impreso nos últimos anos.
Ademais da identificación con Lugo, o sindicato salienta «o compromiso demostrado por Pepe durante os máis de vinte anos que representou os seus compañeiros e compañeiras como delegado sindical de CCOO.
De feito, o pasado mes de abril viña de revalidar a condición de representante dos traballadores e traballadoras de Radio Lugo.
