" />

A Xunta lembra que os protocolos Covid permiten a instalación de barracas con fórmulas que garantan a seguridade

normativa da Xunta de Galicia sobre medidas de prevención específicas como consecuencia da evolución da situación epidemiolóxica derivada da COVID-19 si contempla a posibilidade de instalar atraccións de feira en espazos públicos, se ben esixe fórmulas que garantan a seguridade.

O delegado territorial de Lugo, Javier Arias, indicou que só se prohiben expresamente nos concellos que se sitúen no nivel máximo de restricións. Nos demais casos, é preciso adoptar medidas que aseguren, entre outros aspectos, o cumprimento dos aforos e a distancia interpersoal.

Así, os feirantes poden desenvolver a súa actividade cumprindo cunha serie de limitacións específicas, como reducir ao 50% os asentos de cada fila que se poden ocupar -salvo que se trate de conviventes-, ou limitar o acceso ao 30% da capacidade cando non haxa asentos. As atraccións inchables están permitidas ata un 50 % da súa capacidade.

Arias explicou que existen tamén previsións para as zonas nas que se instalen as atraccións, como sinalizar puntos diferenciados de entrada e saída ou respectar a ratio dunha persoa por cada tres metros cadrados nos espazos comúns de tránsito. “Neste sentido, o máis operativo sería distribuílas en distintos puntos para evitar as aglomeracións que poderían producirse nun feiral como o do San Froilán”, apuntou.

En todo caso, afirmou o delegado, o protocolo da Xunta “deixa marxe para a actividade dos feirantes, como se ten demostrado este mesmo verán noutras cidades galegas, que si traballaron para buscar solucións”.

Novas relacionadas

  1. Anónimo
    Set 17, 2021 - 09:59 PM

    Xa, pode ser. Pero a Ferreiro e algúns máis do BNG non lle molan as festas solo o tirolilo da gaita e o folclore galego, pasaremos se nada de interés no san Froilan. So tirolilo

    Reply
  2. Anónimo
    Set 17, 2021 - 05:37 PM

    ¡bo!

    Reply

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo