A Xunta ofrece o seu apoio a Distribuciones Carreiras despois do incendio

O vicepresidente económico e conselleiro de Economía, Empresa e Innovación, Francisco Conde, visitou onte o polígono industrial de Cuiña en Cervo, para coñecer de primeira man os danos rexistrados na nave de Distribuciones Carreiras, afectada por un incendio que se declarou na tarde do xoves.

O vicepresidente económico avanzou o apoio da Xunta para facilitar a recuperación da actividade da empresa e, aínda que agora deberán tomar parte as aseguradoras, puxo a disposición da compañía a carteira de recursos cos que conta a Administración galega, así como asesoramento en caso de ser necesario.

Durante a visita, Conde agradeceu o labor de todos os efectivos que participaron no dispositivo de extinción, así como dos propios traballadores que foron os primeiros en tratar de sufocar o incendio.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo

WP Twitter Auto Publish Powered By : XYZScripts.com