Abre o prazo de inscrición do curso de navegación e copilotaxe 4X4

O Concello de Lugo, a través do Servizo de Prevención de Drododependencias e outras adiccións, abre á mocidade lucense o prazo de inscrición do curso de navegación e copilotaxe 4×4.

O curso desenvolverase en dúas sesións no Polígono do Ceao, a primeira terá lugar os días 6 e 7 de maio, e a segunda o 17 e 18 de xuño. “O obxectivo é desenvolver unha actividade na que os alumnos despois de recibir a pertinente instrución en canto a condución 4×4 e navegación, desenvolvan un roteiro de navegación 4×4 por distintas paraxes das proximidades da cidade de Lugo”, explicou o edil, quen incidiu que son actividades que requiren toda a atención e concentración, e ao mesmo tempo que entusiasman sen necesidade de buscar “falsas alegrías ou emocións” a través de substancias psicoactivas nada recomendables.

O curso terá unha parte teórica de 4 horas onde se explicarán os contidos didácticos para desenvolver unha navegación en vehículos 4×4 e nocións de navegación con rumbos e coordenadas  UTM, así como dos  rutómetros utilizados neste tipo de probas.

A parte práctica consistirá nun roteiro de navegación “secreta”, onde os alumnos en grupos e en vehículos 4×4, durante 4 horas completarán un roteiro, validando  puntos de ruta, navegando e  copilotando con  rutómetros dixitais e sistemas de navegación utilizados neste tipo de probas.

A inscrición, que se realizará a través da web lugomasxti.org, será por rigurosa orde e ata cubrir prazas. Terán prioridade as persoas empadroadas no Concello de Lugo. A actividade é gratuíta e inclúe 18 prazas para cada sesión.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo

WP Twitter Auto Publish Powered By : XYZScripts.com