Adxudicados os traballos de conservación de estradas en 42 concellos da provincia

O Presidente da Deputación de Lugo, José Tomé Roca, anunciou que a Xunta de Goberno aprobou este venres a adxudicación dos traballos de conservación da rede viaria da provincia correspondentes a 5 dos 8 lotes nos que está divido este servizo. Farase cun investimento próximo aos 3,2 millóns de euros para tres anualidades, de 2019 a 2021.

Tomé sinalou que “estes 5 lotes aglutinan a 42 concellos das comarcas da Terra Chá, Chantada, A Montaña e Zona Sur, o que supón case o 63% total dos municipios da provincia de Lugo”.

Tomé lembrou que a Deputación licitou conxuntamente o ano pasado os 8 lotes nos que está dividido o contrato de conservación de estradas provinciais por un importe total de 6,4 millóns de euros para o período 2019-2021. “Na Xunta de Goberno de hoxe adxudicáronse 5, e os outros tres están en trámite coa previsión de que poidan adxudicarse neste mes”, sinalou.

En canto ao prego que rexe a contratación deste servizo, inclúense novas cláusulas sociais que defenden os dereitos dos traballadores, favorecen o emprego feminino na obra pública, o emprego fixo e de calidade, á pequena empresa e á protección do medio ambiente.

Os lotes da conservación de estradas adxudicados hoxe son os seguintes:

LOTE 3._ Cospeito, Outeiro de Rei, O Corgo, Baleira, Baralla, Rábade, Meira, Pol, Castro de Rei, Lugo, Castroverde e Láncara

LOTE 4.- Monterroso, Antas de Ulla, Portomarín, O Páramo, Sarria, Paradela, Guitiriz, Begonte, Friol, Guntín e Palas de Rei

LOTE 6.- Becerreá, Cervantes, As Nogais e Pedrafita do Cebreiro

LOTE 7.- O Courel, O Incio, Samos, Triacastela, Quiroga e Ribas de Sil

LOTE 8.- Monforte de Lemos, Bóveda, A Pobra do Brollón, Sober, Pantón, O Saviñao, Taboada, Chantada e Carballedo

 

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo