Alumnado do Politécnico de Lugo identifica augardentes e licores tradicionais nunha sesión formativa do Consello Regulador

O Consello Regulador dos Augardentes e Licores Tradicionais de Galicia viaxa a Lugo para formar a unha vintena de alumnos e alumnas do Ciclo Superior de Procesos e Calidade na Industria Alimentaria do CIFP Politécnico de Lugo.

Sonia Otero, vogal do Consello Regulador e enóloga, foi a encargada de impartir a cata comentada este venres 18 de febreiro. Na sesión explicáronse as principais funcións deste organismo, e as características que distinguen aos Augardentes e Licores Tradicionais de Galicia e as 4 Indicacións Xeográficas que os amparan: I. G. Bagazo de Galicia, I. G. Augardente de Herbas de Galicia, I. G. Licor de Herbas de Galicia e I. G. Licor Café de Galicia. Ademais,  incidiuse nos procesos de calidade dos produtos así como na importancia da materia prima usada nos procesos de elaboración.

Durante a cata comentada, o alumnado puido degustar 7 Augardentes e Licores Tradicionais de Galicia. O Licor Café de Galicia volveu coroarse como o máis popular entre os asistentes. Un produto en cuxa elaboración “só pódese utilizar café de toste natural”, explicou Sonia Otero. Pola súa banda, o destilado que máis sorprendeu foi o Bagazo de Galicia Envellecido. Un produto bastante descoñecido con “matices moi complexos e notas esparexidas, que lle dan unha amplitude enorme á hora de maridar, tanto en sobremesas como á hora de incorporalo dentro do prato”, detallou a enólogoa/enóloga.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo

WP Twitter Auto Publish Powered By : XYZScripts.com