Con ilusión e responsabilidade. Así asume Álvaro Santos a súa nova etapa como vicepresidente da Deputación de Lugo. O presidente da institución, Darío Campos, decidía encargarlle a el esta encomenda o pasado venres logo de que a semana pasada o BNG decidise abandonar o Goberno provincial.
Santos agradecíalle ao presidente da institución “a confianza” depositada nel e dicía estar “tranquilo” ante a responsabilidade de asumir, ademais das áreas que xa xestionaba, a de Cooperación cos concellos, da que xa se encargou no pasado mandato.
O novo vicepresidente do ente provincial agarda que as relacións co BNG sexan “tranquilas” pese a saída dos nacionalistas do Goberno e que poidan seguir traballando xuntos de xeito cordial para intentar sacar adiante propostas que beneficien á provincia.
“As reacións van ser tranquilas. Unhas relacións sensatas e constructivas que o único que perseguen é, máis alá das diferencias ideolóxicas, a posta en marcha de iniciativas que favorezan á maior parte da xente e que o Goberno provincial poida sacar adiante proxectos”, subliñou Álvaro Santos que engadiu que non foi unha ruptura de goberno “crispada nin violenta”.
