Os animalistas de Libera! e a la Fundación Franz Weber insitiron esta mañá na necesidade de aplicar medidas para disuadir a presenza de xabarís no termo municipal de Lugo evitando a autorización de batidas xa que, segundo afirman, “a caza demostrou a súa completa inutilidade, ademáis de contaminar o medio”.
Durante esta fin de semana puideron verse suidos no entorno de Garabolos, polo que estes dous colectivos plantexaron dúas recomendacións “moi sinxelas” para evitar que os animais silvestres se acostumen a entornos urbans, como non alimentalos e deter o vehículo para facilitar o seu tránsito e as posibles medidas de saída que estableza a Policía Local.
A asociación Animalista Libera e FFW vinculan estas aparicións ás batidas que se levan a cabo no entorno da cidade de Lugo, lembrando que, dende 2013, as distancias de seguridade do municipio víronse reducidas dos 200 aos 100 metros actuais, favorecendo que os animais se acheguen máis a espazos libres de disparos, e que busquen alimento nestes entornos, ao resultar máis sinxelo.
Para estes colectivos, as batidas que reclaman algunhas persoas son “inxustificadas e paracientíficas” posto que, explican, non existe ningún estudo serio que avale esta teoría.
