" />

Arias lembralle á Federación Veciñal que as obras da unidade do ictus xa están en licitación

Logo de que Federación Provincial de Asociacións de Veciños emitira un comunicado reclamando unha “unidade completa de ictus”, para o HULA advertindo de que convocarían mobilizacións se non se cumplía dita demanda, o delegado territorial de Lugo, Javier Arias, replicoulles que “a Xunta xa anunciou unha unidade do ictus no Hospital Universitario Lucus Augusti (Hula) e, de feito, están licitadas as obras de acondicionamento dos espazos necesarios, que suporán un investimento de 700.000 euros, e outros 1,2 millóns de euros en equipamentos neurovasculares, o que supón unha inversión total para esta nova área do Hula de preto de 2 millóns de euros”.

Ante a postura amosada pola Federación Provincial de Asociacións de Veciños, o delegado sinala que “a unidade de neurorradioloxía prevista reforzará a atención aos doentes con ictus e outras patoloxías. Contará cun novo equipo de radioloxía neurovascular intervencionista, que se adquirirá no marco da compra conxunta de diverso equipamento para os hospitais galegos por importe de 8,4 millóns de euros”.

Neste contexto, o delegado entende que as críticas realizadas desde a Federación veciñal “carecen de base, porque a Consellería de Sanidade xa está traballando nas melloras, como se ven publicando desde hai meses”.

“En todo caso -afirmou-, entendendo a súa función reivindicativa, suxiro que en lugar de reclamar medidas que xa están licitadas colaboren para que o Concello de Lugo poña á disposición da Xunta canto antes unha parcela na que poidamos construír o novo centro de saúde no barrio do Sagrado Corazón”.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo