" />

Arroxo recibirá no concello a Jesús Vázquez tras solicitar a xuntanza de xeito formal

O Tenente Alcalde, Rubén Arroxo, informou hoxe que nas vindeiras semanas recibirá no concello a Jesús Vázquez, presidente da Federación de Asociacións Veciñais de Lugo, ‘Lucus Augusti’, para tratar a situación do transporte público na cidade, unha vez recibida a solicitude de reunión. 

Logo de varias xornadas de tiras e afrouxas entre o mandatario local e a propia Federación, a través dos medios de comunicación, Rubén Arroxo lembrou que “durante o proceso de elaboración das novas liñas de transporte público tivéronse en conta centos de peticións veciñais achegadas ao concello por distintas vías, dentro do contrato xa asinado polo anterior goberno coa empresa concesionaria”, e engadiu, “o novo modelo foi aprobado co apoio de todos os grupos da corporación municipal na Mesa de Transporte Público”. 

O Tenente Alcalde pediu “rigorosidade” para a xuntanza, “desde a nosa chegada ao goberno, a maneira de actuar de Jesús Vázquez coas áreas de goberno do BNG foi co obxectivo de facer política”, denunciou Rubén Arroxo, que engadiu “desde as distintas áreas de goberno non imos ter en conta estas prácticas que veñen doutros tempos, mais si cremos que Jesús Vázquez ten que pedir desculpas ás veciñas e veciños de Lugo por mentirlles sobre o bus urbano”.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo