" />

As altas salvan un novo aumento dos casos covid o día no que se notifican 2 novos falecidos

A provincia de Lugo continúa a loitar contra sexta vaga da Covid. Así, na última xornada, descendeu lixeiramente o número de casos, unha boa nova se non fora porque tan só se debe a un aumento das altas e non a un descenso de novos positivos, que se mantén en cifras similares a un día antes.

Así, en cifras, no día de hoxe son 2744 os pacientes cunha infección activa de Covid 19 na provincia. En canto aos positivos detectados, na última xornada situáronse en 243, un menos que un día antes. Con todo, as altas médicas foron quen de baixar a cifra de casos activos por primeira vez na última semana. Así, dende o inicio da pandemia Lugo rexistrou 54.543 pacientes covid curados, polos 54.230 dun día antes.

En canto á presión asistencial, os hospitais da provincia contan cun total de 33 pacientes covid ingresados en planta (5 menos que un día antes) e 2 na UCI do HULA.

Por outro lado, nas últimas horas o SERGAS notificou dous novos falecementos da provincia. Un home e unha muller de 89 e 84 respectivamente. Ambos tiñan patoloxías previas. Con eles son xa 319 os falecidos na área sanitaria dende o inicio da pandemia.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo