Os axentes da Garda Civil, que coordinan o operativo, informaron ao 112 Galicia de que uns veciños atoparon ao home consciente. Segundo indicaban, sufriu unha caída cando estaba a pescar e era incapaz de erguerse.
O 112 Galicia recibiu aviso dos feitos media hora despois da medianoite do luns, cando un familiar do implicado chamou para alertar de que este non retornara a casa tras saír a pescar nun río na zona de Rao, en Navia de Suarna.
De inmediato, Urxencias Sanitarias de Galicia-061 mobilizou ao seu persoal a bordo dunha ambulancia.
Na busca colaboraron as Agrupacións de Voluntarios de Cervantes e de Negueira de Muñiz, así como a Unidade Operativa de Drons da Axencia Galega de Emerxencias (AXEGA).
