O dirixente do Partido Popular de Lugo, Jose Manuel Balseiro, foi designado coordinador provincial da campaña con motivo das eleccións autonómicas do vindeiro 5 de abril. Balseiro xa tivo esta responsabilidade nas anteriores citas autonómicas en 2009, 2012 e 2016 onde esta formación política acadou, a nivel provincial e autonómico, a maioría absoluta tanto en votos como en número de escanos. Neste ocasión o reto será volver a acadar a confianza maioritaria dos lucenses e facer de Lugo unha provincia decisiva no proxecto liderado por Alberto Núñez Feijóo.
Precisamente esta tarde tivo lugar a primeira reunión deste comité de campaña integrado pola presidenta provincial, Elena Candia e o secretario xeral dos populares lucenses, Carlos Armesto, e do que tamén forman parte os alcaldes de Friol e Xove, José Ángel Santos e Demetrio Salgueiro, os deputados Daniel Vega e Sandra Vázquez, os senadores Rosa Arza e José Manuel Barreiro, os concelleiros lugueses Antonio Ameijide e Javier Vázquez.
Jose Manuel Balseiro asegura que as responsabilidades que asume supoñen un “tremendo orgullo” e subliña que “toca traballar con intensidade” para trasladar “os compromisos cumpridos e as propostas dos populares” para revalidar a “confianza maioritaria dos cidadáns”.
Feb 19, 2020 - 08:56 PM
@PPdeLugo E un cocidiño despois…
@JavierKrrazana