A Asociación Cultural Cántigas e Frores celebrará no Auditorio Gustavo Freire a Gala ‘De Lugo, Lugo’ gala coa que se pechan os actos de celebración do 75 aniversario da asociación. A gala comezará ás 21.00 horas e estará presentada polo xornalista lugués Paco Nieto. Nela farase un
percorrido por aspectos salientables da historia do Lugo da época e de Cántigas e Frores intercalando actuacións dos grupos oficiais da Asociación.
A entrada é de balde, e pódese reservar no 649421507 ou no correo cantigasefrores1948@gmail.com. As entradas restantes estarán dispoñibles na taquilla do Auditorio. Como peche á xornada de celebración haberá unha cea no Restaurante Manuel Manuel, cun custe de 45€ (previa reserva).