Este xoves Cáritas abriu unha nova sede na montaña lucense, no número 16 da rúa Carlos III de Becerreá. A apertura deste espazo, Cáritas Interparroquial de Becerreá-Ancares, permitirá reforzar a atención que presta a organización ás persoas e familias da comarca, que disporán de servizos máis próximos.
No acto de inauguración da oficina participaron o director territorial da Consellería en Lugo, Óscar Viñas, xunto coa directora de Cáritas na provincia, Amparo González; e o bispo lucense, Alfonso Carrasco, así como o alcalde do municipio, Manuel Martínez e o párroco de Becerreá.
A Consellería de Política Social e Igualdade colaborou no financiamento das obras da nova sede, a través da orde de axudas a entidades sociais con cargo ao IRPF.
