Os cines Codex estrean hoxe o filme galego “As liñas descontinuas”, da directora Anxos Fazáns na que se consagra cunha fermosa historia de amor.
Sinopse: Bea, que se está a divorciar, coñece a Denis cando este irrompe na súa casa con intención de roubar. En lugar de entregalo á policía, comeza a falar con el.
A outra estra deste venres Codex Cinema é o filme brasileño “O axente secreto”, un thriller político cunha historia desgarradora pero moi interesante cun forte selo identitario.
Este filme conta con varios premios como o Premio a Dirección e Mellor actor no pasado Festival de Cannes; 2 premios nos pasados Globos de Ouro; 2 nominacións aos BAFTA e 4 nominacións aos Oscar.
Sinopse: baixo o espectro ameazante da ditadura militar, no Brasil de 1977, Marcelo, un profesor universitario duns corenta anos, deixa atrás un pasado turbulento e volve á cidade de Recife na semana do Entroido. Agarda reunirse co seu fillo. Axiña decátase de que as forzas gobernamentais o vixían e o seguen.
Asemade e logo da gran afluencia de público o domingo 22 ás 18:00h haberá un novo pase do documental “360 Curvas”
Sinopse: 360 curvas marcan a distancia que separa A Fonsagrada de Lugo. Este camiño longo, difícil e descendente entre montañas, reflicte o declive dun lugar que, a comezos dos anos 90, decidiu loitar pola súa supervivencia nunhas revoltas sen precedentes coñecidas como As Movidas. Narrada entre un pasado e un presente non tan afastados, esta é a historia dunha comunidade rural que se nega a desaparecer.
