Conde entrega os premios da Feira do Viño de Quiroga e a Conselleira do Medio Rural recibe a medalla da Serenísima Orde da Alquitara

O conselleiro de Economía, Emprego e Industria, Francisco Conde, acompañado pola secretaria xeral de Igualdade, Susana López Abella, participou esta mañá na entrega aos colleiteiros dos premios da XXXIV edición da Feira do Viño de Quiroga, celebrada no Museo Etnográfico desta localidade lucense.

A feira vitícola de Quiroga, na que participan 12 colleiteiros do municipio, contribúe a promover os viños da denominación de orixe Ribeira Sacra, impulsando a dinamización económica e o atractivo turístico da zona, e favorecendo a consolidación dun sector estratéxico para a economía galega.

Asemade a súa compañeira no Goberno Galego Angeles Vázquez, Conselleira do Medio Rural, asistiu en Portomarín á Festa da Augardente, onde foi nomeada Dama da Orde Serenísima da Alquitara, no marco da XLVI edición desta celebración.

A Festa do Augardente de Portomarín é a decana das festas de exaltación gastronómica da provincia e ano tras ano promociona a mellor augardente do mundo, axudando así a crear riqueza e fixar poboación no rural, cousa da que está tan necesitada está a nosa provincia.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo

WP Twitter Auto Publish Powered By : XYZScripts.com