" />

Cortan a Infanta Elena e evacúan os comercios da zona das Termas trala rotura dun colector de gas

Este mediodía foron moitos os lucenses que se sorprenderon de ter cortada ao tráfico unha das vías principais de entrada á cidade. E é que os bombeiros e os corpos de policía local e nacional víronse na obriga de pechar ao tránsito a avenida Infanta Elena entre a rotonda do Ceao e ata o cruce coa avenida Paulo Fabio Máximo tras detectarse unha rotura nun colector de gas.

Os feitos tiveron lugar en torno ás 12:04 horas, do día de hoxe. Sete efectivos do corpo de Bombeiros: o Sarxento Xefe, un cabo e cinco bombeiros conductores, acudiron a Avenida Infanta Elena tras recibir unha chamada do 112 Galicia en relación á rotura dun colector de gas.

Unha vez no lugar da emerxencia comprobaron que se trataba da rotura dunha das tubaxes da rede de gas. Ante a devandita situación, os efectivos do Servizo de Prevención e Extinción de Incendios proceden á evacuación inmediata das persoas que se atopaban nese momento nos establecementos contiguos ao momento de rotura. Ao mesmo tempo e coa axuda de Policía Local, desvían e cortan o tráfico da zona ante o risco de deflagración, establecendo unha zona cero de seguridade.

Unha vez realizado o corte de gas do colector principal por parte da empresa subministradora, os bombeiros realizaron medicións de todos os establecementos e edificios próximos para comprobar a inexistencia de atmosferas explosivas e poder restablecer a actividade empresarial sen risco para as persoas.

A circulación de vehículos nas inmediacións xa está normalizada, tras permanecer cortada durante as horas que durou a intervención do SPEIS e nestes intres, a empresa suministradora de gas esta a reparar a avaría.

 

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo