Descarga Programa Arde Lucus 2015 en PDFA Asociación Animalista Libera censurou este domingo o uso abusivo de animais nas recreacións históricas do Arde Lucus, advertindo nunha gravación de video como un pony é obrigado a arrastrar a reprodución dun carro cunha persoa encima, superando ampliamente a súa capacidade de tiro. Os animalistas mostráronse moi críticos co trato que están recibindo os animais na rúa, sometidos a condicións de balbordo constante e aglomeracións que contribúen a xerar estados de ansiedade e estrés, podendo provocar danos físicos aos animais e ata a outras persoas, no caso de que algún deles se desbocase. Neste sentido, os defensores dos animais recordan que outros municipios, como A Coruña, Santiago e Ferrol, estableceron condicións de benestar animal nas súas recreacións, como a ‘Feira dás Marabillas’ coruñesa ou a Feira Medieval de Ferrol, suprimindo o uso de seres vivos como parte ornamental ou activa.
Atrás quedan as xustas dacabalo ou os penosos paseos en asnos que se subvencionaron en anteriores edicións. Así, LIBERA! sinala a necesidade de que Lugo afronte a elaboración dunha nova Ordenanza de Protección Animal e Convivencia que inclúa regras respecto do uso ou veto de animais domésticos e silvestres en eventos públicos, como podería constituír o Arde Lucus, para garantir a través dunha norma específica o benestar, protección e inspección sobre o estado destes seres vivos, principalmente équidos e bóvidos.
A proposta dos animalistas xa contou con apoio plenario unánime, despois de que o BNG trasladase unha moción na que se solicitaba esta norma para vetar o uso de animais en circos, logo da instalación de varias empresas con estas características en 2016.
