Nova xornada de descenso de casos activos de Covid na provincia. Con 767 casos, Lugo acada a súa cifra máis baixa dende o pasado 10 de xaneiro no que se rexistraban 751 infeccións activas en plena escalada do virus.
Pero hoxe non só descende este baremo. Baixa tamén o número de positivos detectados no día de onte. O último informe do SERGAS con datos recompilados ata as 18.00 horas de onte, revela un total de 30 novos casos detectados, 6 menos que na xornada anterior. Asemade, a esto hai que engadir un lixeiro relaxo da presión asistencial.
Hoxe na UCI do HULA, a única con infeccións por coronavirus, se rexistran 19 pacientes covid, 2 menos que no día de onte. Mantense, en cambio, a presión en plantas de hospitalización, con 43 pacientes.
En canto aos falecementos, o SERGAS notificou no día de onte un novo pasamento causado pola covid. Trátase dun home de 91 anos que finaba o pasado 21 de febreiro no HULA. Con todo, logo das 58 altas recibidas onte, son xa 10619 as persoas que superaron a enfermidade.
E todo esto, un día despois de que o Presidente da Xunta de Galicia, Alberto Núñez Feijóo anunciara un alivio nas restriccións e o comezo da desescalada nas limitacións impostas. Para empezar, toda Galicia verá como os centros comerciais poderán reabrir as fins de semana, e as universidades comezarán, como xa se prevía, o vindeiro 1 de marzo as clases presencias.
