Un home de 41 anos de idade, veciño de Lugo, foi detido pola Garda Civil como presunto autor dun delito continuado de furto en vivendas habitadas da cidade. Os feitos tiveron lugar entre os meses de febreiro e marzo deste ano.
O detido, supostamente, aproveitaba a súa condición de instalador de internet para furtar xoias e cartos do interior das vivendas onde realizaba os traballos, vendendo, máis tarde, as xoias en locais de compravenda de ouro.
No transcurso da investigación, os axentes da Garda Civil interviñeron diversas xoias que foron recoñecidas polos propietarios e devoltas aos mesmos. O detido foi posto a disposición xudicial.
