" />

Detido un menor por agredir aos axentes da Policía Local que lle levantaban denuncia por ouriñar na rúa

A Policía Local detivo onte a un mozo de 17 anos de idade tras agredir aos axentes mentres estes procedían a levantalle acta de denuncia por infracción á Lei de Residuos de Galicia tras detectar ao menor ouriñando na vía pública.

Os feitos tiveron lugar pasados 20 minutos da medianoite de onte cando unha patrulla do Grupo Operativo Nocturno observou ao menor ouriñando na rúa Bispo Aguirre. Co fin de levantar acta por infrinxir devandita lei, os axentes solicitan a identificación do mozo ao que este negouse. 

Os axentes policiais informan ao menor de que, no caso de persisitir na súa negativa, terá que ser trasladado a dependencias policiais para a súa completa identificación, unha opción que tamén rexeita contundentemente, amosando aquí xa a súa actitude agresiva con patadas aos axentes. 

Os locais, proceden á súa inmobilización, ante a que o mozo opón grave resistencia. Polo que é, finalmente, detido e trasladado a dependencias policiais onde instrúen dilixencias polos delitos de desobediencia e resistencia grave á autoridade.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo