" />

Falece o condutor dun camión ao envorcar o vehículo en Begonte

O condutor dun camión perdeu a vida a pasada noite na A-6 á altura de Begonte despois de que o vehículo envorcase e caese por un desnivel duns tres metros fóra da vía de circulación.

Segundo informou o 112 Galicia, foi necesaria a intervención dos Bombeiros de Vilalba para excarcerar o corpo sen vida do home, ao quedar atrapado no interior do camión accidentado. Mentres duraron estas labores, a saída 517 en sentido A Coruña permaneceu pechada ao tráfico de vehículos.

Foi unha persoa particular quen, ao fío das 00:45 horas, alertou ao 112 Galicia dun accidente de tráfico no punto quilométrico 515 da A-6 en sentido A Coruña.

A partir de aí, desde o CIAE 112 Galicia solicitaron a intervención de Urxencias Sanitarias de Galicia-061, dos Bombeiros de Vilalba, dos axentes da Garda Civil de Tráfico e do servizo de mantemento da vía.

A pesar dos esforzos, os servizos sanitarios só puideron confirmar o seu falecemento.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo