" />

Ferido o condutor dun camión ao saírse da vía o vehículo e envorcar en Pantón

Un camioneiro resultou ferido esta tarde en Pantón despois de que o vehículo no que circulaba rematase fóra da vía e envorcado. Para prestarlle asistencia ao condutor foi necesaria a intervención dos Bombeiros de Monforte de Lemos que, aínda que descartaron o emprego do material de excarceración para liberar ao ferido, ao atoparse accesible, colaboraron cos profesionais sanitarios para introducilo na ambulancia.

O accidente tivo lugar no punto quilométrico 543,5 da N-120, ao fío das 17:30 horas. Nese momento, varias persoas particulares contactaron co 112 Galicia para dar conta do sinistro.

Nada máis ter coñecemento do accidente, desde o Centro Integrado de Atención ás Emerxencias (CIAE) 112 Galicia solicitouse a intervención de Urxencias Sanitarias de Galicia-061, dos Bombeiros de Monforte, da Garda Civil de Tráfico e do servizo de mantemento da estrada.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo