Finaliza o pintado dos aparcamentos en torno a Marqués de Ombreiro

As obras do pintado das prazas de aparcamento na rúa Mestre Soutullo, paralela a Marqués de Ombreiro, finalizaron xa. Con esta actuación sinalizáronse 40 prazas en toda a rúa, gañando seis con respecto ás existentes anteriormente e habilitouse, así mesmo, unha praza máis para vehículos de emerxencias.

Neste senso, na marxe dereita da calzada o estacionamento será en batería, mentres que na marxe esquerda, será en espiga cun ángulo de 60º.

Desta maneira, o Concello recupera máis dun centenar de prazas de estacionamento na contorna de Marqués de Ombreiro, retiradas polo Goberno, nun primeiro momento, para a realización da senda ciclista. Unha medida consensuada pola rexedora coa veciñanza da zona o pasado mes de xullo.

Froito desta xuntanza, acordouse tamén realizar o repintado de Marqués de Ombreiro que pasou a ser dun único  sentido de circulación, desde a rúa que baixa desde Avenida das Américas (fronte ao Mercadona) ata a rúa Músico Falla, en sentido descendente cara ao río.

Así, o carril eliminado permitiu manter as prazas de  aparcamento en paralelo ao carril bici, que antes se suprimían, mentres que a reordenación do tráfico de subida realizouse pola rúa Músico Falla ata Avenida das Américas. Hai uns días, Lara Méndez e o tenente de alcaldesa, Miguel Fernández, acudiron a ver a evolución desta obra, na que aínda están a traballar. E