" />

Galicia Baleira rexeita a consideración pexoractiva que a maxistrada marbellí fixo da “Galicia profunda”

O colectivo Galicia Baleira, membro da España Baleirada e formado pola Federación Provincial de Asociacións de Veciños de Lugo e a Federación de Asociacións de Veciños de Ourense non pode admitir as ofensas emanadas desde sede xudicial en Marbella cara a Galicia e os galegos, cando fala “da Galicia profunda” en comparación coa que di “Cosmopolita Marbella”.

O colectivo non quere entrar no fondo e termos do acto xudicial en si relacionado coa custodia do fillo dunha galega, pero “entendemos o ocorrido como sumamente grave para que tome cartas no Asunto o Ministerio de Xustiza e o Consello Xeral do Poder Xudicial xa que consideramos que os argumentos utilizados, a relación Muros-Galicia e Marbella, incumpren os Art. 14 e 19 da Constitución Española”. Ademáis, consideran tamén que a Xunta de Galicia debe de valorar estas manifestacións e esixir unha rectificación que conleve incluso a anulación da sentenza.

Os galegos que viven na Galicia Interior, “queremos mostrar o total apoio a esta nai galega na súa situación á vez que sentímonos humillados e ofendidos por manifestacións como estas que nos deben unha rectificación clara por parte da xudicatura marbellí”.

Lembran, ademais dende o colectivo que, Galicia ten a nivel público, os mesmos ou mellores servizos que esa Marbella cosmopolita, tanto a nivel social, como Médicos – Hospitalarios ou de Educación e goza dos mellores ambientes para que o neno creza nunha contorna “de alta calidade de vida, agradable e feliz”.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo