Os cines Codex volveron, unha vez máis, a apostar polo cinema galego. Esta vez foi Homomaquia, de David Fidalgo, unha curtametraxe nominada aos Goya que presenta un mundo onde os humanos son tratados do mesmo xeito que nós tratamos aos animais e que establece unha forte metáfora sobre a tauromaquia.
Situando ao home no papel do touro, Homomaquia, representa a vida deste coa súa crudeza e a súa violencia, coa súa falta de liberdade ata o punto de utilizar a sexualidade en función dos seus intereses.
David Fidalgo presentou onte nos Codex a súa particular denuncia ao maltrato animal coa compañía da produtora, Chelo Loureiro.