José Valencia, o colombiano acusado de asasinar a Cristina Cabo Buján, pasou a disposición xudicial este xoves, logo de declarar e confesar onte á policía que matara a moza lucense alegando que “se lle fora das mans” e “que estaba borracho e drogado”. Segundo a testemuña do acusado, coñecera á vítima esa mesma noite nun local de ocio nocturno e ambos decidiron acabar á noite no domicilio da vítima, lugar onde o acusado a apuñalou en varias ocasións ata causarlle a morte e alegando que o motivo foi que lle pedira diñeiro á vítima e que ela non llo quixo dar.
O home que levaba arredor de dous meses vivindo na cidade xa tiña antecedentes por roubo.
A titular do xulgado número un de Lugo decretou este xoves prisión provisional comunicada e sen fianza para o acusado.
