Jorge Mariño Pereiro vén de tomar posesión como novo xefe do servizo de Dependencia e Autonomía Persoal da Xunta en Lugo, que depende da Consellería de Política Social e está situado na rúa Serra de Ancares.
Mariño é licenciado en Dereito pola Universidade de Vigo e funcionario de carreira da Administración autonómica desde o ano 2010. Desde o seu ingreso exerceu distintas funcións e responsabilidades, principalmente nas áreas de Emprego e Industria. Hoxe mantivo unha primeira xuntanza de traballo co delegado territorial da Xunta, Javier Arias.
