" />

Lara Méndez: “O calmado do tráfico iniciado en 2017 fai de Lugo unha cidade adiantada na protección ao peón”

A alcaldesa de Lugo, Lara Méndez, lembrou esta mañá que a cidade xa foi pioneira na aplicación dalgunhas das medidas que inclúe o novo Regulamento Xeral de Circulación.

rexedora realizaba estas declaracións ao inicio do encontro que mantivo coa Subdelegada do Goberno, Isabel Rodríguez, para abordar o cambio da normativa que hoxe entra en vigor e que obriga á diminución da velocidade en todas as vías dun único carril por sentido de circulación.

Así, Lara Méndez referiu que enclaves tan emblemáticos da capital como pode ser a Rolda da Muralla ou as avenidas Ramón Ferreiro e Rodríguez Mourelo incorporaron a limitación a 30 km/h no ano 2017.

Xa foi durante o anterior mandato cando vimos a necesidade de priorizar o calmado do tráfico para dar un salto adiante na convivencia pero tamén na loita contra o cambio climático porque entendiamos que este paso supoñía grandes beneficios para o concello sostible polo que apostamos, entre eles o aumento da seguridade, coa conseguinte prevención de accidentes e atropelos, a mellora da calidade ambiental – grazas á redución de emisións de C02 – ou a consecución dun tráfico rodado máis pacífico e no que as e os peóns van gañando protagonismo”, indicou Méndez.

A rexedora amosou a “total concordancia coa decisión adoptada pola Dirección Xeral de Tráfico, en tanto estamos seguros de que a medida servirá para acadar unha mobilidade urbana máis sustentable e máis amable na que terá prioridade a protección dos usuarios e usuarias máis vulnerables como ciclistas, motoristas e condutores de patinetes, que son, cada vez, máis numerosos”, sinalou.

alcaldesa explicou igualmente que redución de velocidade será de aplicación naquelas rúas por onde transcorre a senda verde ciclista de 14 quilómetros.

Un proxecto que se atopa en fase de execución dende o mes de xaneiro e co que pretendemos unir oito grandes barrios coa contorna fluvial, dentro da estratexia Muramiñae (cofinanciada ao 80% con fondos FEDER) co obxectivo de mellorar a accesibilidade da trama urbana co río. Esta senda combinará carrís segregados de tráfico nas rúas con maior anchura, onde a velocidade será, efectivamente, a 30 km/ hora, con outros viarios de coexistencia, nos que, nestes casos, os vehículos só poderán circular a 20 hm/hora”, abondou Lara Méndez.

A rexedora avanzou, asemade, que as previsións que contempla esta iniciativa Dusi indican que esta convivencia do tráfico rodado – nas que terá prioridade o tránsito de bicicletas e, polo tanto, a velocidade máxima permitida será de 20 km/hora – terá lugar nas rúas Camiño Real, Xulia Minguillón, Río Ser, Lamas de Prado, Río Navia (desde Río Ser ata Lamas de Prado), Mondoñedo, Portugal, Orquídea (desde o antigo centro comercial da Abella ata Oliveira), Oliveira (desde Orquídea ata Lamas de Prado), Acceso ao Complexo Deportivo Palomar (desde o enlace coa N-VI e o Pazo de Feiras e Congresos), Frei Plácido Rei Lemos e Avda. Doutor García Portela.

Novas relacionadas

  1. Anónimo
    Mai 11, 2021 - 10:50 PM

    Certo, grazas a Rubén Arroxo do BNG, un pouco tristes estas señoras que piden ter 30

    Reply
  2. Anónimo
    Mai 11, 2021 - 05:11 PM

    Grazas a Rubén Arroxo do BNG

    Reply

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo