Unha muller resultou ferida esta tarde en Cospeito nun accidente de tráfico cando o vehículo no que transitaba deu varias voltas de campana. A vítima tivo que ser excarcelada polos Bombeiros e foi evacuada a un centro hospitalario.
O accidente tivo lugar no quilómetros 16 da carretera LU-120, na recta do Polígono de Muimenta. Un particular chamou ao 112 Galicia a eso das catro e media para explicar o acontecido. O persoal de Emerxencias alertou a Urxencias Médicas e aos Bombeiros de Vilalba, quen se desprazou ao punto do accidente cun equipo de excarcelación. O feito foi posto en coñecemento tamén da Garda Civil de Tráfico.
