" />

Lugo convértese na capital do Jazz esta fin de semana grazas a Caldiae Factoría Cultural

O espazo cultural Caldiae acollerá esta fin de semana o primeiro Festival Músicas Diversas Semana SantJazz. Así, entre este venres 24 e o domingo 26, Lugo converterase na capital do Jazz un programa que transcorrerá íntegramente no espazo Caldiae.

Foolmakers, Baldo Martínez e Nani García serán os encargados de encher de música venres e sábado os diversos espazos da Factoría cultural ata que chegue o gran concerto do domingo a cargo do gañador de dous Grammys, Ariel Bringuez, que estará acompañado do seu grupo Nostalgia Cubana.

Ademáis a programación dará comezo o venres co coloquio O jazz do século XXI: tradición en transición a cargo do crítico musical Mario Benso no Auditorio Caldiae a partires das 20.30 horas, con entrada gratuita pero aforo limitado. Ese mesmo día, Mario Benso compartirá cos asistentes unha cea coloquio, ás 22 horas, no Vexetarian Restaurante.

Baldo Martínez Triskel Trio serán os encargados de poñer o broche de ouro á primeira xornada da Semana SantJazz.

O sábado abrirá as portas a este festival o Vexetarian, onde a exquisita comida estará acompañada do concerto dos lugueses Foolmakers, a partir da 22h. Para finalizar a xornada,  Nani García Trío serán os encargados de encher de jazz a Sala Tebras desde as 00.30 horas.

Por último, o domingo será o turno do cubano Ariel Bringuez que trae a Lugo o seu Nostalgia Cubana. O saxofonista, profesor, compositor e arranxista, graduado na Universidade das Artes da Habana (Cuba), misturará os ritmos antillanos coa tradición afrocubana.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo