" />

Lugo Monumental propón ao Concello organizar unha exposición da obra de Paco Pestana

O pasado día 20 de xuño deu comezo a SECAL, unha cita na que se homenaxeou ao insigne artista Paco Pestana e que, tras ser prorrogada, finaliza mañá domingo. Nesta SECAL expuxéronse obras de 20 artistas lucenses en 19 locais, houbo visitas guiadas a Museo Provincial, a Catedral e a exposición sobre a Ofrenda do Antigo Reino de Galicia que alberga a igrexa de San Pedro, un concerto de Noemi Mazoy que reuniu 1.400 euros para ASPNAIS e mesmo unha sesión de DJ’s en Quiroga Ballesteros.

No peche da SECAL Lugo Monumental fixo unha proposta ao Concello para organizar, xunto á familia de Paco Pestana, unha exposición do artista no Vello Cárcere. A familia de Paco ten un amplo depósito da súa obra, suficiente como para cubrir gran parte dos espazos de exposición do inmoble, un lugar perfecto para a devandita actividade porque as súas liñas sinxelas e luminosas combinan moi ben coa produción de Pestana, con gran colorido e formas atrevidas.

Dende a Asociación Lugo Monumental consideran que Pestana merece unha exposición propia, relevante e única (salvo, por suposto, os espazos dedicados a exposicións permanentes) dada a relevancia da súa obra. De feito resúltalles chocante que “tras o falecemento do artista non houbese ningunha iniciativa cultural ou artística para reunir as pezas dispoñibles e por iso gustaríalles solicitar o préstamo do Vello Cárcere para organizar alí unha exposición. A exposición debería ter unha duración mínima dun mes, quedando a expensas da dispoñibilidade do inmoble as datas que desde a administración consideren apropiadas”.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo