Representantes de todos os partidos que conforman a corporación do Concello de Lugo e da Deputación participaron este mediodía nun minuto de silencio celebrado diante da casa consistorial para amosar a solidariedade dos lucenses coas vítimas do atentado terrorista rexistrado onte en Niza.
O voceiro do Goberno local, Miguel Fernández, quixo amosar a repulsa do Concello ante estes feitos. “Quero amosar a solidariedade do pobo de Lugo co pobo francés e dicir que feitos como este o único que consiguen é que os demócratas esteamos máis xuntos”, subliñou Fernández.
Paralelamente tamén se celebrou un minuto de silencio fronte a subdelegación do Goberno en Lugo. O subdelegado do Goberno, Ramón Carballo apuntou que este tipo de actos “non teñen cabida na sociedade actual”.
Ademais, a Deputación de Lugo enviou unha declaración institucional para amosar a solidariedade ante o sucedido. “Hoxe todos somos Niza. E dende esta institución queremos temuñar o noso máis profundo pesar e condolencias a familiares e amigos das vítimas, pero tamén, a nosa solidariedade e apoio coa cidade de Niza”.
