Mañá abre a campaña extractiva da centola e do boi na provincia de Lugo

A Consellería do Mar  da Xunta, abre mañá a campaña extractiva da centola e do boi na provincia de Lugo. Na área que vai desde o cabo Estaca de Bares (na provincia da Coruña) ata o río Eo -incluíndo a ría do Barqueiro-, a frota que se dedica á extracción destas especies pode calar os aparellos a partir das 00:00 horas desta madrugada e levar as especies á lonxa mañá luns.

A campaña destes crustáceos na provincia lucense prolongarase ata o inicio da veda do ano 2020, que se fixará a través do correspondente plan de xestión.

Nas outras provincias costeiras, A Coruña (desde cabo Corrubedo ata cabo Estaca de Bares) e Pontevedra (de cabo Corrubedo á Guarda) xa  comezou a extracción deste saboroso marisco o pasado 11 de novembro e estenderase tamén ata a data que fixe o plan de xestión do próximo ano.

A cota máxima de captura de cada unha destas especies será de 35 quilos por barco e día, ao cal se engadirán 35 quilos ao día por cada tripulante enrolado e a bordo. Poderán participar na campaña todas as embarcacións con artes menores e con porto base nesta comunidade así como aquelas que, tendo porto base noutras comunidades autónomas, teñan permisos especiais de pesca para faenar nestas augas.

Foto: Pixabay

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo