Baldomero Iglesias Dobarrio, Mero, presentará mañá en Vilalba o seu novo libro No perfil das verbas, poemario que irá acompañado de debuxos da vilalbesa María Guerrero Rico e que está editado pola asociación cultural Xermolos de Guitiriz.
O acto terá lugar no salón de actos da Casa da Cultura da localidade vilalbesa a partir das 20.00 horas e nel, participarán, ademáis do autor, Alfonso Blanco Torrado (en representación da entidade editora); o poeta de Ponte Outeiro, Xosé Outero Canto; o poeta Xoán Fernández Abella, o gaiteiro Raul Galego e o xornalista, Xulio Xiz.
Este libro xa foi presentado días pasados na librería Couceiro de Santiago, sendo a presentación en Lugo, o próximo 27 de novembro, martes, ás 19.00 horas, no salón de actos do Vello Cárcere.
