A pesar da sangría demográfica que están a sufrir as provincias de Lugo e Ourense, onde a provincia de Lugo perdeu máis de 2.000 habitantes nun ano e Ourense máis de 1500, algo que está a precipitar o baleirado total da Galicia Rural no caso destas dúas provincias do interior galego que fan alarmantes as cifras de perdida poboacional nos últimos 10 anos. A pesar diso, Lugo e Ourense, non están sendo  tidas en conta nos plans nacionais de fiscalidade reducida ou adaptada pola clase política que continúa obviando ou considerándoo un problema menor a pesar do gravidade actual e futura que iso representa.

Así desde Galicia #Baleira (membro nº 100 da España Baleirada) reclamamos, en voz alta, esa Fiscalidade diferenciada, do mesmo xeito que o están facendo Soria, Cuenca ou Teruel, dentro dos Orzamentos Xerais do Estado, de forma urxente e clara, non esquecemos que a ministra de Facenda en novembro de 2020 deu un rotundo si á fiscalidade diferenciada, algo vital para que empresas e cidadáns particulares opten por instalarse en zonas deprimidas e despoboadas. Pero cales son as nosas propostas neste sentido: axudas fiscais aos produtores, pequenas e medianas empresas situadas nas zonas rurais, bonificar igual que se prevé noutras zonas de España un 20 % de rebaixa nos custos laborais ( salario do traballador máis as cotizacións á Seguridade Social) xa que isto xeraría maior emprego, deducións no IRPF tanto a nivel estatal como a nivel autonómico (xa que un autónomo da Fonsagrada non debe cotizar o mesmo que un autónomo do madrileño barrio de Salamanca) tal e como nos din o reto demográfico é un problema de estado que require unha maior involución e que ten que levarnos a rebaixar o IVE aos produtos do sector primario e a unha fiscalidade verde, unha importante rebaixa do IBI nas vivendas de hoxe e futuras relacionadas coas explotacións, impostos de transmisións tendentes a 0, redución de tarifas para actos xurídicos documentados, axudas para traballadores autónomos ou empregados por conta allea que inicien unha actividade nas áreas rurais, axudas para alugueiros, compra e rehabilitación de vivendas, fomentar as instalacións para autoconsumo enerxético, habilitar redes de transporte para dar saída á produción agrícola e gandeira do rural. E como non, instaurar no territorio unha rede de conexión a Internet mínima de 100
Mbps. en todo o territorio e crear, como solicitan outras provincias, o adecuado acceso a servizos básicos aos que non deben superarse o 30 km. ou 30 minutos para chegar a unha vía de alta capacidade (dentro do que se denomina Plan 100/30/30). Dentro deses servizos básicos, contemplamos o acceso a Centros de Saúde, institutos, cuarteis da Garda Civil, concellos e outras administracións, oficinas financeiras, centros formativos para o sector agropecuario, e a agricultura ecolóxica. Se a Comisión da UE deu unha fiscalidade diferenciada a Finlandia, Suecia e Noruega e se Soria, Teruel e Cuenca levaron isto conxuntamente cos seus gobernos autonómicos a Bruxelas, entendemos que a Xunta de Galicia ten que mollarse a fondo nestes aspectos e non deixar de lado ao noso rural, xa que só deu pasos na dedución do imposto de transmisións pola compra de inmobles, ou no imposto de actos xurídicos das escrituras de inmobles novos para o desenvolvemento dunha actividade económica. E como moi ben se di no documento presentado por Plataformas e organizacións de doce comunidades na Cámara baixa, Tomás Guitarte, Deputado de Teruel Existe, apuntou que é de xustiza aplicar unha fiscalidade diferenciada a estes territorios porque se o estado non dá os mesmos servizos, “é xusto que non paguen os mesmos tributos”