Unha nova estrea de cinema galego e o gran éxito do cine francés esta fin de semana nos cines Codex

A primeira estrea desta semana en Codex Cinema é Eles transportan a morte. A prestixiosa parella de directores Helena Girón (1988) e Samuel M. Delgado (1987) presenta a súa nova longametraxe. Rodada en celuloide de 16 mm, Eles transportan a morte, é unha película
producida pola produtora coruñesa Filmika Galaika e que conta tamén con respaldo colombiano. Girón e Delgado, axudados polo director de fotografía José Alayón, tomaron a valente decisión de traballar con cámaras e negativo analóxicos. No filme narran dúas historias nas que se pretende burlar a morte. En 1492, na expedición de Cristovo Colón van tres homes que deberían estar mortos. Mentres, no Vello Mundo unha muller tenta salvar á súa irmá moribunda levándoa a un curandeiro. Ambas historias están a mercede do tempo e da Historia.

A segunda estrea desta semana éUn novo mundo, o novo filme de Stéphane Brizé, presentado no pasado Festival de Venecia e estreado con éxito en Francia, onde acumulou case medio millón de espectadores nun mes. Na súa quinta colaboración con Vincent Lindon, un dos
mellores actores franceses vivos, Brizé conta a crise vital dun alto directivo dun grupo industrial, deste xeito afronta con valentía os males que tamén padecen as persoas que están situadas na cúspide da escala social.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo

WP Twitter Auto Publish Powered By : XYZScripts.com