" />

Axentes medioambientais da Xunta sorprenden de madrugada a un pescador furtivo

Axentes medioambientais da Xunta de Galicia denunciaron a un pescador furtivo que foi sorprendido no río Miño en Outeiro de Rei utilizando métodos non permitidos -sedelas dormentes-, en horas non permitidas e nun tramo de pesca sen morte.

Os feitos ocorreron durante a madrugada do pasado martes na illa de San Roque, dentro da zona de especial conservación Parga-Ladra-Támoga, nun lugar de difícil acceso que só se pode alcanzar en barca ou, cando o caudal do río é moi baixo, con vadeadores.

Pouco antes das 12 da noite, observaron a unha persoa cruzando cara á illa nun batuxo, e dúas horas despois procederon a identificala tras observar como manipulaba as sedelas dormentes, que colocaba nos extremos dunhas varas que cravaba no chan; as varas tiñan anzol con morte e estaban cebadas con miñoca para capturar troitas.

No momento da identificación, levaba tres troitas mortas na cesta, e ao levantar o resto das varas colocadas atoparon outra morta e unha con vida, que foi devolta ao río. Os axentes comisaron as catro troitas -de 21, 23, 24 e 25 cm de talle-, os aparellos de pesca, o batuxo e 40 varas ou chuzos, que sacaron da illa xa pola mañá.

 

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo