O Arde Lvcvs Cvltvral remata decembro cunha conferencia sobre as Guerras civís romanas en Hispania

As ponencias, organizadas pola área de Xuventude e a Cohors III Lucensium, enmarcadas dentro da programación do Arde Lvcvs Cvltvral rematan este mércores, 30 de decembro. Neste caso correrá a cargo de Gabriel Castelló Alonso, escritor de novela histórica, que de xeito telemático falará sobre as Guerras civís romanas en Hispania. As e os interesados nesta conferencia poderán seguila dende as 20:00 horas dende o auditorio do Vello Cárcere. A entrada é libre ata completar aforo.

Estas conferencias celebráronse os días 30 de cada mes dende setembro, e afondaron sobre o faro romano de Brigantium Flavium e a súa relación coa cidade de Lucus Augusti, os retos para un Arde Lvcvs Europeo e as posibilidade de intervención no edificio do Cuartel de San Fernando, tras a declaración de BIC.

A programación do Arde Lvcvs Cvltvral, que organiza o Concello xunto ás asociacións de recreación histórica luguesa, contempla mañá martes, 29 de decembro, con Salesiani Luci Augusti, un taller sobre a historia da Lórica Hamata romana. Así mesmo, ofrecerá unha explicación de como confeccionala, dende a adquisición do arame á finalización total. Será ás 12:30 horas, dende as redes sociais oficiais do Arde Lvcvs.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo

WP Twitter Auto Publish Powered By : XYZScripts.com